Алматыда газ құбыры жарылып, адамдар зардап шекті, деп хабарлайды +7.kz
Куәгерлердің айтуынша, оқиға Бухар Жырау даңғылының бойында болған. Жарылыс салдарынан көлік аударылып, жол жабыны зақымданған. Көлік жүргізушісі мен жолаушысы ауруханаға жеткізілді.
“QazaqGaz Aimaq” АҚ хабарлауынша, 16 шілде күні жаңадан салынған орташа қысымды жерасты газ құбырын сынақтан өткізу барысында “СантехКомплектГрупп” ЖШС мердігер ұйымы жұмыс жүргізіп жатқан кезде ауа қоспасының шығуы орын алған. Оқиға салдарынан жол жабыны, ағаш және автокөлік зақымданған.
“Оқиға орнына қаланың барлық тиісті апаттық қызметтері жедел түрде келіп жетті. Қазіргі уақытта учаске тексеріліп, оқиғаның себептері анықталуда. Оқиға болған аумақ қоршауға алынған, халыққа ешқандай қауіп төніп тұрған жоқ. Қаза болғандар жоқ”, – делінген хабарламада.
Фото: QazaqGaz Aimaq
