Израиль мен Сирия атысты тоқтату туралы келісімге келді, деп хабарлайды +7.kz порталы Sky News басылымына сілтеме жасап.
Бұл жөнінде АҚШ-тың Түркиядағы елшісі Том Баррак әлеуметтік желідегі парақшасында хабарлады. Бітімге Түркия мен Иордания да қолдау білдірген.
Соңғы аптада Сирияның оңтүстігіндегі Суэйда провинциясында жергілікті жауынгерлер, үкімет күштері және Бедуин тайпалары арасында қақтығыстар өршіп, бірнеше жүз адам қаза тапты. Қақтығыстың ушығуына байланысты Израиль Сирияға әуе шабуылдарын бастады. Сәрсенбі күні Израиль Дамаскідегі Қорғаныс министрлігі мен президент сарайының маңына соққы берді.
АҚШ мемлекеттік хатшысы Марко Рубио бұл жағдайды «үрейлі әрі қайғылы» деп бағалап, бітімге келуге АҚШ-тың ықпал еткенін мәлімдеді.
Том Баррак Druze, Бедуин және сүннит топтарын қаруды тастауға шақырды.
Айта кетейік, Израиль тарапы шабуылдардың мақсатын Druze қауымын қорғау деп түсіндірді. Бұл азшылық топ Ливан мен Израильде де өмір сүреді.
Фото: Reuters
