Шерзат Полаттың ағасы Нұрқанат Ғайыпбаевтың өліміне қатысты тергеу тоқтатылды, деп хабарлайды +7.kz.
Бұл туралы Шерзат Полаттың өліміне қатысты істе жәбірленуші тараптың қорғаушысы болған Мейірман Шекеев айтты.
Еске салайық, 2024 жылдың желтоқсан айының басында Нұрқанат Ғайыпбаевтың мәйіті Талғар қаласының шетінен табылған болатын. Қайғылы оқиға жиені Шерзат Полаттың қазасынан бірнеше ай өткен соң болған. Сол төбелесте Нұрқанаттың өзі де бірнеше рет пышақ жарақатын алған.
Алдын ала болжам бойынша, Ғайыпбаев өз-өзіне қол жұмсаған.
“Тергеудің қазіргі кезеңінде қылмыстық сипаттағы белгілер анықталған жоқ”, – деп хабарлаған полиция сол кезде.
Оқиға фактісі бойынша қылмыстық іс қозғалған еді. Алайда жеті айдан кейін істің тоқтағаны белгілі болды.
“Нұрқанаттың ісі тоқтатылған. Алайда біз болашақта істі қайта жандандыру үшін өтінішхат түсіретін боламыз”, – деп жазды ол.
Адвокат мәлімдемесіне байланысты агенттік Алматы облысының полиция департаментіне сауал жолдады.
Фото: Видеодан скрин
