Шымкент мұнай өңдеу зауытының аумағында екі қызметкер қаза тапты, деп хабарлайды +7.kz.
Бұған дейін желіде 26 тамызда Шымкент МӨЗ аумағында қайғылы жағдай орын алғаны туралы ақпарат тараған еді. Хабарламада автовышканың аударылып қалуы салдарынан мердігер ұйымның екі оқшаулаушысы көз жұмғаны айтылған.
“ПетроҚазақстан Ойл Продактс” ЖШС баспасөз қызметі бұл ақпаратты растады.
“26 тамыз күні сағат 14:30-да оқшаулау жұмыстарын орындау барысында автовышка аударылып, екі адамның қаза болуына әкелді. Жұмысты мердігер ұйым – “КРС Астана” ЖШС атқарған. Қаза болғандар “КРС Астана” ЖШС-нің оқшаулаушылары. Бұл жағдайдың себебін арнайы құрылған жұмыс тобы анықтап жатыр. Зауыт қалыпты режимде жұмысын жалғастыруда”, – делінген хабарламада.
Компания басшылығы қаза тапқандардың отбасына көңіл айтты.
Еске салайық, бұған дейін Ақмола облысында Степногорск ЖЭО-да төтенше жағдай болған еді. Төрт адам зардап шегіп, олардың біреуі қаза тапқан.
Фото: kmg.kz
