Шымкентте полиция қызметкері көлігімен жаяу жүргіншіні қағып кетті. Әйел оқиға орнында қаза тапты, деп хабарлайды +7.kz.
Ақпаратты полиция департаментінің баспасөз қызметі растады.
Қайғылы жағдай 28 тамызда Желтоксан көшесінде болған. Полиция басқармасының дерегінше, әйел ағаштардың арасынан кенеттен жүгіріп шығып, жолдың рұқсат етілмеген жерінен өтіп кетпек болған.
“Қылмыстық іс қозғалды. Алдын ала деректер бойынша, жүргізуші тарапынан жол қозғалысы ережелерін бұзу анықталған жоқ. Ол мас болмаған және жылдамдық режимін сақтаған”, – деп атап өтті департаментте.
Қазір кешенді тергеу амалдары жүргізілуде. Оның қорытындысы бойынша процессуалдық шешім қабылданады.
Фото: freepik.com
