31 тамызда Air Astana компаниясының Алматы – Ақтау бағыты бойынша ұшып бара жатқан ұшағы техникалық ақауға байланысты шұғыл жағдайда қонды, деп хабарлайды +7.kz порталы “Лада” басылымына сілтеме жасап.
Жолаушылардың айтуынша, ұшақ көтеріле бастағанда салонда түсініксіз дыбыстар естілген. Биіктікке шыққаннан жарты сағат өткен соң ұшақ кенет төмен қарай ұшқан.
FlightRadar24 сервисінде ұшақтың Ақтау әуежайының үстінде бірнеше рет айналып ұшқаны көрінеді.
Ақшұқур және Сайын Шапағатов ауылдарының тұрғындарының айтуынша, оқиға орнына жедел жәрдем және өрт сөндіру көліктері келген.
“Адамдар дұға етті, әйелдер жылады, стюардессалар өздері де үрейде болды, олардың бетінде қорқыныш бар еді. Бір сәтте дауыстық байланыс арқылы шұғыл түрде қонатынымыз туралы хабарланды. Стюардессаның дауысы дірілдеп, қорқып тұрды”, – деп ZTBбасылымы бір жолаушының сөзін.
Әуе компаниясы оқиғаға қатысты мәлімдеме жасады.
“Экипаж техникалық ақау туралы хабарлады және нұсқаулыққа сәйкес қонуға басымдық беруді сұрады. Сол кезде ұшақ қауіпсіз биіктікке төмендеді және Ақтау әуежайында сәтті қонды”, – деп хабарлады ZTB авиакомпанияның баспасөз қызметі.
Қазір әуе кемесін мамандар тексеріп жатыр. Кері бағыттағы КС 860 Ақтау – Алматы рейсінің жолаушылары басқа ұшақпен жөнелтілді.
