Алматыда екі жасөспірім жаяу жүргіншілер тротуарында балалар арбасына соғылды, деп хабарлайды +7.kz.
Бейнежазба кадрларынан байқағандай, жасөспірімдер электрлі самокатты пайдалану ережелерін елемей, тар жаяу жүргінші тротуарымен жылдамдықты арттырып жүрген. Қарсы бағыттан әйелі мен күйеуі балалар арбасын сүйреп келе жатқан. Жасөспірімдер самокатты тоқтата алмай , арбаға соғылған. Абырой болғанда, нәресте зардап шеккен жоқ.
Алматы қаласы полиция департаменті мәлімдегендей, жасөспірімдер анықталып, жеке мобильді құралдарды пайдалану ережесін бұзғаны үшін әкімшілік жауапкершілікке тартылды.
Сонымен қатар олардың ата-аналары да – балаларын тиісті деңгейде тәрбиелемегені үшін жауапқа тартылды.
“Бұдан бөлек, жасөспірімдермен және олардың ата-аналарымен профилактикалық әрі түсіндіру жұмыстары жүргізілді. Оларға мұндай құқықбұзушылықтардың жол берілмейтіні, бақылауды күшейту және ықтимал салдарлары туралы түсіндірілді”, – делінген ведомство хабарламасында.
Посмотреть эту публикацию в Instagram
