Депутаттардың жалақысына бюджеттен қанша қаражат жұмсалатыны белгілі болды, деп хабарлайды +7.kz.
Парламент қызметіне мемлекеттік бюджеттен бөлінетін қаржы көлемі белгілі болды.
“2026 жылы Парламент қызметін қамтамасыз етуге шамамен 7,8 млрд теңге бөлінеді. Аталған қаражат тек депутаттарды, сондай-ақ Сенаттағы, Парламенттегі саяси мемлекеттік қызметшілерді және Парламенттің әкімшілік мемлекеттік қызметшілерін қамтамасыз етуге арналған. Мұның бәрі еңбекақы төлеу қорына жұмсалады”, — деді қаржы вице-министрі Абзал Бейсенбекұлы мәжілісте өткен баспасөз мәслихатында.
Осыған дейін 2026 жылы президент бастамаларына 285 млрд теңге бөлінетіні белгілі болған еді.
Фото: Сенат
