18 жастағы “Қайрат” қақпашысы Шерхан Қалмырза алдағы Чемпиондар лигасы матчтарында Темірлан Анарбековтің орнын басуы мүмкін, деп хабарлайды +7.kz.
Кеше өткен “Қайрат” пен “Ақтөбе” арасындағы ойында алматылықтардың 21 жастағы қақпашысы Темірлан Анарбеков жарақатына байланысты ойынның 13-ші минутында алаңнан кетуге мәжбүр болды.
“Алдын ала диагноз: төменгі жақ сүйегінің сынуы. Өкінішке қарай, Темірлан алдағы матчтарға қатыса алмайды”, – деп мәлімдеді “Қайрат” баспасөз қызметі Vesti.kz тілшісіне.
Енді негізгі қақпашы орнын алдағы матчтарда, Шерхан Қалмырза иеленуі ықтимал, өйткені Александр Заруцкий “Селтикке” қарсы өткен ойында алған жарақатынан әлі айыққан жоқ. БАҚ дерегінше, қақпашы алаңға қазан айында оралады.
УЕФА сайтындағы “Қайрат” құрамында Шерхан Қалмырзадан бөлек, қақпашылар Ілдар Мендығалиев (19 жаста) пен Диас Реимов (18 жаста) бар.
Келесі матчта “Қайрат” Лиссабонның “Спортинг” клубымен Чемпиондар лигасы топтық кезеңінің алғашқы турында кездеседі.
Ойын Португалияның Лиссабон қаласындағы “Жозе Алваладе” стадионында Қазақстан уақытымен 18 қыркүйектен 19 қыркүйекке қараған түні сағат 00:00-де өтеді.
Посмотреть эту публикацию в Instagram
