Ұлттық банкте теңгемен қамтамасыз етілген алғашқы стейблкоиннің іске қосылды, деп хабарлайды +7.kz ақпарат агенттігі.
Ұлттық банк төрағасы Тимур Сүлейменов стейблкоинді іске қосу елдің қаржы жүйесін цифрлық трансформациялауда маңызды қадам екенін атап өтті.
“Бүгін біз Ұлттық банктің реттеушілік құмсалғышы аясында ұлттық валютамыз – теңгемен номинацияланған алғашқы қазақстандық стейблкоинді іске қосып отырмыз. Қазіргі әлем цифрлық трансформация дәуірін бастан өткеруде. Бұл өзімен бірге сынақтарды да, ең бастысы – көптеген мүмкіндіктерді де әкеледі. Мұнда цифрлық активтер мен блокчейн технологиялары ерекше орын алады. Бұл қаржы қызметтерін дамытуға, қаржылық инклюзияны арттыруға, инновациялық өнімдер жасауға және жалпы еліміздің ілгері жылжуына жаңа перспективалар ашады”, — деді Сүлейменов.
Стейблкоин дегеніміз не?
Стейблкоин – бағамы нақты активтерге: ұлттық валютаға, алтынға немесе өзге де тұрақты ресурстарға байланған криптовалюта. Биткоин немесе эфириумнан айырмашылығы, мұндай цифрлық активтердің құны қатты құбылмайды. Сондықтан оларды әлдеқайда сенімді төлем құралы ретінде қолдануға болады.
Фото: depositphotos.com
