Экс-министр Қуандық Бишімбаевтың қолынан қаза тапқан Салтанат Нүкенова ел тарихына әсер еткен тұлғалар қатарына қосылды, деп хабарлайды +7.kz.
Бұл туралы Салтанат Нүкенованың ағасы Айтбек Амангелді Instagram-дағы парақшасында мәлімдеді. Қостанай облысындағы “Амангелді” туристік кешеніндегі мемориалдық қабырғаға Салтанат Нүкенованың есімі берілген.
“Пантеонда Қазақстан тарихында елеулі орын алған тұлғалардың арасында Салтанаттың есімі жазылған мемориалдық тақта орналастырылды. Бұдан бұрын Павлодардан топырақ жіберіп, оны пантеондағы мемориалға орналастырған едік. Мұнда Салтанат Қазақстан тарихына әсер еткен тарихи тұлғалар қатарына қосылды. Жолдағы әр шақырым мен сағат осы сапарға тұрарлық болды. Бұл біздің Салтанат туралы жаңа әрі қымбат естелігіміз болып қалды”, — деп түйіндеді ол.
Айта кетейік, 2024 жылғы 13 мамырда тек қазақстандықтарды ғана емес, көрші елдерді де елең еткізген Қуандық Бишімбаевқа қатысты сот процесі аяқталды. Судья Салтанат Нүкенованы өлтірді деп айыпталған экс-министрге 24 жыл жаза кесті. Ал оның туыс інісі Бақытжан Байжанов 4 жылға бас бостандығынан айрылды.
Биыл Қуандық Бишімбаевтың туыс інісі Бақытжан Байжанов рақымшылықпен бостандыққа шықты.
Фото: instagram.com/aitym
