Ақтаудағы “Асия” тұрғын үй кешенінің жертөлесінде жарылыc болып, бес адам зардап шекті, деп хабарлайды +7.kz ақпарат агенттігі.
Оқиға орнына Маңғыстау облысы Төтенше жағдайлар департаментінің 15 қызметкері мен 5 техникасы, сондай-ақ апаттар медициналық орталығының бригадасы дереу жетті.
“Құтқарушылар келген кезде газ-ауа қоспасының жарылысы мен одан кейінгі жану фактісі анықталды. Өрт толық сөндірілді, оқиғаның себептері анықталуда. Жарылыс толқынының әсерінен жертөле және бірінші қабаттағы пәтерлердің терезе конструкциялары, көрші құрылыс алаңының шамамен 10 метрлік тас дуалы және бірнеше автокөлік зақымданды”, – деп мәлімдеді ТЖД.
Оқиға салдарынан 5 адам зардап шекті, олардың барлығы Маңғыстау облыстық ауруханасына жеткізілді.
Фото: Видеодан скрин
Посмотреть эту публикацию в Instagram
