Талғарда Хасан Қасымбаевтың жақындары президентке үндеу жолдады, деп хабарлайды +7.kz ақпарат агенттігі хабарлайды.
Желіде тараған видеода айыпталушының жақындары іс әділ қаралмаған жағдайда жағдайда ғимарат алдында өздерін өртейтіндерін мәлімдеді.
“Мен күйеуімнің еш кінәсі жоқ деп басынан айтып жатырмын. Оны үйде үш баламыз күтіп отыр. Осыдан әділ шешім шығармаса жәл осы жерде өзімді өртеймін”, – деді Хасан Қасымбаевтың әйелі.
Хасан Қасымбаевтың анасы да өзін құрбан етуге дайын екенін айтып, әділ шешім шығарылуын сұрады.
“Адам өлімі болады. Мен бүгін осы жерден бекер кетпеймін. Балам үшін өзімді құрбандық жасаймын. Осыншама жұрт Хасан үшін келмес еді ондай болса”, – деді анасы.
Жиналғандар арасында ауыл тұрғындары да бар. Бір әйел Хасан Қасымбаевтың жазықсыз тұтқындалғанын айтты.
“Хасанды кішкентайынан білеміз. Адам дегенде жүрегі елжіреп тұратын баланы, қараптан қарап ұстап отыр. Алдап апарып, отырғызып қойған. Не деген сұмдық”, – деді әйел.
Еске салсақ, Талғар аудандық сотындаХасан Қасымбаевқа байланысты сот отырысы өтіп жатыр. Қасымбаев сот отырысы кезінде соңғы сөзін айттып, өзінің кінәлі емес екенін алға тартқан еді.
