Мысырда демалу енді бұрынғыдан қыбатқа соғады. Өйткені ел парламенті консулдық алымдарды арттыратын түзетулер енгізбек, деп хабарлайды +7.kz ақпарат агенттігі Masrawy басылымына сілтеме жасап.
Қазіргі уақытта кіру визасы 25 доллар тұрады, бірақ заң толық мақұлданса, бұл сомаға қосымша 20 доллар көлемінде жаңа алым қосылады.
“Нәтижесінде кіру визасының бағасы 45 доллар болады”, — деп нақтылайды басылым.
Мысырдың Туристік палаталар федерациясы премьер-министр Мұстафа Мадбули мен туризм және көне жәдігерлер министрі Шериф Фатхиге түзетулерді тоқтатуға шақырып, өтініш жасаған.
Бұл шара қазақстандықтарға ішінара әсер етеді. Қазақстан азаматтары Шарм-эль-Шейхке 15 күнге барса, визасыз кіре алады. Ал Каир мен Луксорға бару үшін виза жасатуға міндетті.
Фото: depositphotos.com
