Қазақстандық оқушылар қысқы каникулда 10 күн демалады, деп хабарлайды +7.kz ақпарат агенттігі.
Оқу-ағарту министрлігінің баспасөз қызметі мектеп оқушыларының қысқы демалысы қашан басталып, қашан аяқталатынын хабарлады.
“Қазақстан мектептеріндегі қысқы каникулдар 10 күнтізбелік күнге созылады. Демалыс 2025 жылғы 29 желтоқсаннан 2026 жылғы 7 қаңтарды қоса алғандағы аралықты қамтиды”, – деп мәлімдеді министрлік.
Мамандар балаларға бос уақыттарын тиімді өткізу үшін мынадай кеңестер береді:
- кітап оқу;
-
танымдық экскурсияларға, көрме залдарына, ғылыми орталықтарға бару;
-
спорттық ойындарға қатысу, коньки тебу және шаңғы тебу;
-
қайырымдылық акцияларына және басқа да іс-шараларға қатысу.
Фото: depositphotos.com
