Қаскелең қаласында мектепте 15 жастағы оқушы көз жұмды, деп хабарлайды +7.kz ақпарат агенттігі.
Сәтпаев атындағы орта мектепте 9-сынып оқушысы көз жұмды. Алматы облыстық білім басқармасында бұл ақпаратқа түсініктеме берді.
“Өкінішке қарай, бірінші сабақтан кейінгі үзіліс кезінде 9-сынып оқушысы өзін нашар сезінген. Мектеп әкімшілігі дереу жедел жәрдем шақырды”, – делінген хабарламада.
Оқушының денсаулығына қатысты шағымдар болып жатқаны жөнінде оның өзімен бірге тұратын әкесіне хабарланған.
“Жасөспірімнің анасы олардан бөлек тұрады. Жағдайы нашарлаған сәтте оқушының нашағы әжесі жанында болды. Ол сол оқушы оқитын Қ.Сәтпаев атындағы №47 орта мектепте география пәнінің мұғалімі. Жедел жәрдем бригадасы реанимация және медициналық шаралар көрсеткеніне қарамастан, баланы құтқару мүмкін болмады, ол оқиға орнында көз жұмды”, – деп хабарлады басқармада.
Жасөспірім осы жылдың 26 ақпанында 16 жасқа толар еді. Қазіргі уақытта тергеу және тексеру жұмыстары жүргізіліп жатыр, деп хабарлады басқармада.
“Мәрқұмның денесі сот-медициналық сараптамаға жіберілді, оның нәтижелері бойынша қосымша ақпарат беріледі”, – деді ведомствода.
Посмотреть эту публикацию в Instagram
