Ішкі істер министрінің орынбасары Санжар Әділов Атырау облысында отбасы мүшелерін өлтірді деген күдікке отбасының қызы да ілінгенін мәлімдеді, деп хабарлайды +7.kz ақпарат агенттігі.
Оның айтуынша, іс бойынша тергеу амалдары мен тиісті сарапталар жалғасып жатыр.
“Кеше ғана күдіктілер Индонезияда ұсталғанын растаймын. Қазіргі кезде оларды елге жеткізу мәселесі шешіліп жатыр. Халықаралық іздестіру жарияланғаннан кейін Интерпол өкілдері мен Қазақстан полицейлері бірлесіп арнайы топты құрды. Осы жұмыстың нәтижесінде күдіктілер ұсталды, яғни әйелі де күдікті ретінде қарастырылып отыр”, — деді Санжар Әділов.
Бұған дейін бұл іс бойынша негізгі күдікті ретінде қаза тапқандардың күйеу баласы — 29 жастағы Сұлтан Сәрсемалиев танылғаны хабарланған болатын. Ол халықаралық іздеуге жарияланған. Сонымен қатар марқұмдардың кенже қызы, Сұлтан Сәрсемалиевтің жұбайы Ақбаян Мұқанғалиева да хабар-ошарсыз кеткен адам ретінде халықаралық іздеуге берілген.
24 ақпан күні ерлі-зайыптының өліміне күдікті күйеу бала мен із-түссіз жоғалып кеткен отбысының кіші қызы Индонезияда ұсталғанын жазғанбыз.
Фото: qamqor.gov.kz
