Елімізде 1 сәуірден бастап көлік салығын төлемегендерге өсімпұл қосылады, деп хабарлайды +7.kz ақпарат агенттігі Qazaqstan арнасына сілтеме жасап.
Қаржы министрлігіне қарасты Мемлекеттік кірістер комитеті ел азаматтарына 2025 жылғы көлік салығын төлеу үшін 31-ші наурызға дейін уақыт берген еді. Салық мөлшері заңда белгіленген есеп бойынша есептеледі.
Жанармай қымбаттап, мобильді аударымдар қадағаланады: Қазақстанда 1 сәуірден бастап не өзгереді
Былтырғы есептік көрсеткіш — 3 мың 932 теңге. Салықты төлеуге асығыңыз, өйткені кешіккен әр күнге өсімпұл қосылатынын ескертеді. Ал 10 мамырдан кейін де берешек өтелмесе, мәжбүрлеп өндіру шаралары қолданылады – тіпті банктік шоттар мен мүлікке тыйым салынуы мүмкін.
Көлік салығы туралы ақпарат eGov және екінші деңгейлі банктердің мобильді қосымшаларында қолжетімді.
