Қазақстанда “2026 жылғы 15 наурызда қабылданған ҚР Конституциясын іске асыру жөніндегі шаралар туралы” Президент Жарлығын орындауды бақылауды бекіту құжаты мақұлданды, деп хабарлайды +7.kz ақпарат агенттігі.
Құжатқа сәйкес, алдағы уақытта бірқатар конституциялық заң жобасы әзірленуі тиіс. Олар:
- “Қазақстан Республикасының Президенті туралы”;
- “Қазақстан Халық Кеңесі туралы”;
- “Қазақстан Республикасының астанасының мәртебесі туралы”;
- “Қазақстан Республикасының әкімшілік-аумақтық құрылысы туралы” заң жобалары.
Заң жобалары 2026 жылғы сәуір айының соңына дейін дайындау жоспарланып отыр.
Сонымен қатар Үкіметке, орталық және жергілікті мемлекеттік органдарға қолданыстағы нормативтік құқықтық актілерді жаңа Конституция талаптарына сәйкестендіру тапсырылды. Бұл жұмыс 2026 жылғы 1 шілдеге дейін аяқталуы тиіс.
Бұдан бөлек, Үкімет Конституцияны кеңінен түсіндіру және насихаттау жөніндегі жоспарды 7 сәуірге дейін бекітуі қажет.
Құжатта құрылымдық бөлімшелерге жүктелген міндеттердің уақтылы әрі толық орындалуын қамтамасыз ету тапсырылған. Айта кетейік, Үкіметте жаңа Конституция нормаларын жүзеге асыру жолдары талқыланды.
