Алматы тауларында жоғалып кеткен 18 жастағы жігіттің мәйіті табылды, деп хабарлайды +7.kz.
Алматы маңындағы таулардан Нұрислам Ақылбектің мәйіті табылды. Ақпаратты Алматы қалалық полиция департаментінің баспасөз қызметі растады.
Ведомство мәліметінше, марқұмның денесінен зорлық-зомбылық белгілері табылмаған. Қазір нақты өлім себебін анықтау үшін сот-медициналық сараптама тағайындалды. Оқиғаның мән-жайын құқық қорғау органдары анықтап жатыр.
“11 шілде күні сағат 07:30-да Алматы тауларында ауқымды іздестіру-құтқару жұмыстары барысында, дронның көмегімен теңіз деңгейінен 3000 метрден аса биіктікте ер адамның мәйіт табылды”, – деп хабарлады ТЖД.
Құтқарушылар мәйітті тасымалдау үшін оқиға орнына жедел жетті. Жолдың бәрі жаяу жүріп өтілді және 2,5 сағаттан астам уақытты алды.
“Оқиға орнында жедел штаб жұмысын жалғастыруда. Марқұмның жақындарымен психологтар жұмыс істеп жатыр”, – деп толықтырды департамент.
Еске салсақ, Нұрислам 2 шілде күні үйінен шығып, тауға қарай бет алған. Осыдан кейін байланысқа шықпаған. Алдымен туыстары өз беттерінше іздестіргенімен, кейін арнайы қызметтерден көмек сұрауға мәжбүр болды.
Еске салсақ, осыған дейін Ақтөбеде жолға шығып кеткен кішкентай қызды жүргізушілер құтқарып қалғанын жазғанбыз.
