Ақмола облысында 14 жастағы қызды өлтірді деген күдікке ілінген адам қамауға алынды, деп хабарлайды +7.kz ақпарат агенттігі.
Ауыр қылмыс жасады деп айыпталған күдікті бір тәулікке жетпей Ақмола облысы Целиноград ауданы Родина ауылының маңында ұсталған.
“Қазіргі уақытта күдікті уақытша ұстау изоляторына қамалды. Тергеу іс-шаралары жалғасуда, болған оқиғаның барлық мән-жайы анықталады. Тергеу барысы полиция департаменті басшылығының ерекше бақылауында”, — делінген хабарламада.
Құқық қорғау органдары күдікті заң аясында қатаң жазаланатынын атап өтті.
Фото: depositphotos.com
