Ақтөбеде дәрігерді өлтірген мейіргер Нұрсұлтан Шаймерденов 20 жылға бас босандығынан айырылды, деп хабарлайды +7.kz ақпарат агенттігі.
Оған қоса жәбірленушілерге 10 млн теңге моральдық шығын төлеуі тиіс.
Ақтөбе облыстық қылмыстық істер жөніндегі мамандандырылған ауданаралық сотында сотталушы Нұрсұлтан Шаймерденовке үкім шықты. Ол Қылмыстық кодекстің “Адам өлтіру”, “Ұрлық” баптарымен айыпты деп танылды.
“Қылмыстық кодекстің 99-бабы 2-бөлігі 8-тармағы бойынша 16 жыл, 188-бабы 3-бөлігі 1-тармағы бойынша 4 жыл 8 ай, түпкілікті 20 жыл бас бостандығынан айыру жазасы тағайындалсын. А.Айсағалиевтің атынан берілген азаматтық талап арыз ішінара қанағаттандырылсын. Сотталушы Нұрсұлтан Шаймерденовтен 2 837 321 теңге, заңды өкілінің шығыны ретінде 3 млн теңге, моральдық шығын 10 млн теңге өндірілсін. Заттай айғақтар жәбірленуші тараптың иелігіне берілсін. Оның ішінде 4 480 050 теңге, 50 еуро, сағат, алтын бұйымдар бар”, — делінген сот шешімінде.
Айта кетейік, биыл нефролог Абай Айсағалиевті 31 жастағы мейіргер өлтірді деген күдікке ілікті. Екеуі бір-бірін таниды, бір емдеу орнында жұмыс істейді. Мейіргер дәрігерді өлтірген соң денесін мұздатқышқа салып, гаражға, кейін көпқабатты үйдің жертөлесіне апарады.
Прокурор сотталушыны айыпты деп танып, 20 жылға бас бостандығынан айыруды сұрады.
Фото: depositphotos.com
