Премьер-министр Олжас Бектенов әкімдердің жылыту маусымына дайындығын сынға алды, деп хабарлайды +7.kz.
Қазақстанның солтүстігінде жылыту маусымының басталуына бір айдан аз уақыт қалды, алайда бірқатар облыстарда жылу нысандарын жөндеу жұмыстары уақытында аяқталмай қалу қаупі бар.
Осыған байланысты премьер-министр Олжас Бектенов әкімдердің әлсіз жоспарлауын және бақылаудың жоқтығын қатаң сынға алды.
Премьердің айтуынша, Степногорск қаласында резервтік қазандық әлі жөнделмеген, Маңғыстауда екі турбинаны жөндеу мерзімі кейінге шегерілген. Ал Ақтауда жылу желілерін қайта құру қарқыны төмен. Мұндай мәселелер көпшілік өңірлерде анықталуда.
“Бұл әлсіз үйлестіру мен орындаушылық тәртіптің нәтижесі. Тыйым салынғанына қарамастан, KEGOC әлі күнге дейін ұзаққа созылған жөндеулерге рұқсат беріп отыр”, – деді Бектенов.
Үкімет басшысы 1 қыркүйекке дейін мазут жеткізу кестесін бекітіп, өңірлерге отын мен көмірді жеткізуді қамтамасыз ету тапсырмасын берді. Оған қоса, 1 қыркүйекке дейін мектептердің жылыту маусымына дайындығын аяқталуы, 15 қазанға дейін ТКШ және медицина нысандарын толық әзірленуі қажет.
Сондай-ақ Бектенов жылу электр орталықтарының дайындық паспортынсыз жұмыс істеуіне жол бермеуді тапсырды.
“Ерекше бақылауда – Риддер, Кентау, Екібастұз және Ақтау. Жылыту маусымы қатаң түрде уақытында басталуы тиіс. Өңірлік штабтар күнделікті жұмыс істеуі қажет”, – деп атап өтті Бектенов.
