Алматы қаласынын 46 шақырым жерде жер сілкінісі тіркелді, деп хабарлайды +7.kz ақпарат агенттігі.
Еуропалық Жерорта теңізі сейсмологиялық орталығының мәліметіне сәйкес, жер сілкінісі 12 қаңтар күні Астана уақытымен сағат 11:44-те болған. Жер сілкінісінің эпицентрі Алматы қаласынан оңтүстік-шығысқа қарай 46 шақырым, ал Талғар қаласынан оңтүстік-шығысқа қарай 32 шақырым қашықтықта орналасқан. Жер асты дүмпулерінің магнитудасы 2,9 болған.
Төтенше жағдайлар министрлігінің сейсмологиялық бақылаулар мен зерттеулер ұлттық ғылыми орталығы жер сілкінісінің магнитудасын 4,0 деп хабарлады. Ведомствоның мәліметінше, Қазақстан аумағында жер сілкінісі сезілген жоқ.
Еске сала кетейік, 5 қаңтар күні Жамбыл және Алматы облыстарының шекарасында жер сілкінісі тіркелген болатын. Оның эпицентрі Отар ауылынан солтүстікке қарай 30 шақырым жерде орналасқан. Ол кездегі жер сілкінісінің магнитудасы 3,7 болған.
“Дабыл сөмкесі”
Бұған дейін Алматы қаласының Төтенше жағдайлар департаменті сейсмоқауіпті аймақтарда тұратын тұрғындарға арналған “дабыл сөмкесі” туралы еске салған еді. Бұл – құтқарушылар келгенге дейін немесе қауіпсіз жерге эвакуацияланғанға дейін өмір сүруге қажетті ең негізгі заттар салынатын жиынтық. Әсіресе, Алматы сияқты сейсмикалық қауіпті өңірлерде мұндай сөмкенің маңызы зор.
Фото: pixabay.com
