Павлодарда анасы терезеден лақтырған 7 жасар бала мен келіншектің жағдайы белгілі болды, деп хабарлайды +7.kz.
Баланың жамбас сүйегі сынған. Бала Павлодардағы облыстық балалар ауруханасында ем қабылдауда. Онымен бірге туыстарының бірі стационарда жатқаны хабарланды.
“Науқас травматологиялық бөлімшеде жатыр. Жамбас сүйегінің сынуына байланысты қатаң төсек режимі сақталып отыр. Жағдайы орташа ауыр деңгейде, тұрақты”, – деп хабарлады өңірлік балалар ауруханасынан.
Павлодардағы қалалық №1 ауруханасы ер баланың анасының жағдайы тұрақты, ауырлықтың орташа дәрежесінде екенін жеткізді. Оны политравма бөлімшесіне ауыстырған.
Еске сала кетейік, 30 шілде күні Павлодарда әйел екі баласын терезеден лақтырып, өзі де секіріп кеткен. Екі баласының бірі ауруханада көз жұмды. Қазір әйел мен 7 жастағы бала ем қабылдап жатыр. Жағдайға қатысты қылмыстық іс қозғалды.
Фото: pixabay.com
