Әскерге күштеп әкетілген Назарбаев университеті студенті оқуын келесі жылы жалғастыратын болды, деп хабарлайды +7.kz.
Ер баланың әпкесінің сөзінше, қорғаныс министрлігі жігітті әскерден босатпаған. Ол қазір ант қабылдап борышын өтеп жатыр.
“Інім ант қабылдап, қазір әскер қатарында қызмет атқаруда. Назарбаев Университеті оған академиялық демалыс берді, сондықтан ол оқуын келесі жылы жалғастырады. Университеттің түсіністік танытып, барлық кезеңде қолдау көрсеткеніне ризашылығымды білдіремін. Баршаңызға қолдауларыңыз үшін алғыс айтамын”, – деп жазды жігіттің туысы.
Айта кетейік, 2025 жылдың маусым айында Алматы облысы Абай ауылында әскери комиссариат қызметкерлері полициямен бірлесіп, Назарбаев университетінің студентін әскерге күштеп алып кеткен. Жігіттің туыстары ұлдарының студент екенін айтып, наразылық білдірген еді.
Фото: Qaz365.kz
