Атырау қаласындағы аулалардың бірінде 9 жастағы жасөспірімге қатысты жасалған зорлық-зомбылық фактісі бойынша қылмыстық іс қозғалды, деп хабарлайды +7.kz.
Бұл туралы облыстық полиция департаменті хабарлады.
Ведомствоның мәліметінше, аталған оқиға бойынша 21 жастағы күдікті анықталып, қамауға алынды.
“Жәбірленуші жеңіл дене жарақатын алған. Қазіргі уақытта оған психологиялық көмек көрсетіліп жатыр. Өзге ақпарат тергеу мүддесіне байланысты жариялауға жатпайды”, – делінген Атырау қаласы полиция департаментінің ресми хабарламасында.
Сонымен қатар жәберленуші жедел жәрдем бригадасымен Атырау облыстық балалар ауруханасының травмпунктіне жеткізілген.
“Пациенттің шағымдары: бас айналу, сол жақ көз маңындағы ауырсыну. Жарақат ер адамның соққысынан кейін пайда болғаны белгілі болды”, – деп хабарлады облыстық денсаулық сақтау басқармасы.
Дәрігерлер науқасқа компьютерлік томография жасап, бас сүйек-ми құрылымдарында өзгеріс анықтамаған. Қорытынды бойынша, балада сол жақ көз маңындағы жұмсақ тіндердің соғылуы тіркелген.
Посмотреть эту публикацию в Instagram
Фото: Видеодан скрин
