“Атыраулық хакер” ретінде танымал, Атырау облысында отбасының жоғалғаны туралы жалған ақпарат таратқан адамға халықаралық іздеу жарияланды, деп хабарлайды +7.kz ақпарат агенттігі.
Құқық қорғау органдары хабарлағандай, іздеу алаяқтық фактісімен байланысты және отбасының жоғалуы ісіне қатысы жоқ. Алғашқы деректерге қарағанда, ер адам шетелде жасырынуда.
“Атыраулық хакер” кім?
Отбасының жоғалғаны туралы ақпарат шыққаннан кейін әлеуметтік желілерде өзін “Атыраулық хакер” деп атаған адам пайда болды. Ол болған оқиғаға қатысты өзі “тергеуін” жүргізгенін мәлімдеді. Оның мәлімдемесі Instagram желісінде таралып, тез танымал болды.
Хакердің таратқан ақпаратында, күдікті отбасының күйеубаласы екені айтылған. Ол Атыраулық отбасының өліміне күдіктінің қараша айында Түркияға барып, сол жерде отбасы мүшелерінің бірінің банк картасы қолданылғанын, кейін Қазақстан аумағында жүргенін хабарлаған. Хакердің айтуынша, 9 желтоқсанда күдікті мен оның әйеліге тиесілі SIM-карталардың белсенділігі Шымкентте тіркелген, одан кейін олар елден тыс (Өзбекстанға) шығуы мүмкін және кейін Оңтүстік-Шығыс Азия елдерінің бірінде болуы мүмкін. Оның дерегінше, болжам бойынша күдіктілер қаңтардың басына дейін (2026 жыл) Индонезияда болған.
Атырау облыстық полиция департаменті хакердің “нұсқасын” түсіндірді. Құқық қорғау органдары оның тергеуі мен қаржылық ағындарды анықтауы шындыққа сәйкес келмейтінін мәлімдеді.
“Барлық көрсетілген деректер әлеуметтік желілерде жарияланардан бұрын ішкі істер органдарының заңды оперативтік-іздестіру және тергеу шаралары шеңберінде анықталған, кейін ресми іздеу хабарламасына енгізілген”, – деді полиция.
Полиция бұған дейін тек ресми ақпарат көздеріне сүйенуге шақырған және жалған ақпарат таратқаны үшін заңнамаға сәйкес жауапкершілік қарастырылғанын ескерткен.
“Аталған тұлғаға (хакер – ред.) бұған дейін алаяқтық фактілері бойынша төрт қылмыстық іс тіркелген. Қазіргі уақытта олар бойынша тергеу жүргізілуде, ол заңға сәйкес іздеуге алынған”, – деп хабарлады полиция.
Фото: depositphotos.com
