Ауғанстанда магнитудасы 6-ға жететін жер сілкінісі болып, 800-ден астам адам қаза тапты, деп хабарлайды +7.kz.
Ауғанстанда жер сілкінісі болғаны туралы ақпаратты уақытша үкіметінің баспасөз хатшысы Забихулла Муджахид растады.
“Өкінішке қарай, бүгінгі жер сілкінісі шығыс провинцияларында адам өліміне және материалдық залалға әкелді”, — деді ол.
Ол жергілікті билік пен тұрғындардың құтқару операцияларына қатысып жатқанын, орталық үкімет пен көршілес провинциялардан командалар апат аймағына жіберіліп жатқанын атап өтті.
Жергілікті шенеуніктер бұл елде болған ең күшті жер сілкіністердің бірі екенін атап өтті. Сонымен қатар, өңірде магнитудасы 5,2-ге жететін екі қайталама дүмпу тіркелген.
Ауыр жараланғандар Нангархар әуежайынан тікұшақпен аймақтық ауруханаларға жеткізіліп жатыр.
Ресми мәлімет бойынша, құтқару жұмыстарына әскерилер мен жергілікті тұрғындар жұмылдырылған.
Айта кетейік, Айғанстанда 27 тамызда магнитудасы 5,7 болатын жер сілкінісі тіркелген еді.
Фото: aa.com.tr
