Энергетика министрі Ерлан Ақкенженов өзінің табыс декларациясын жариялады, деп хабарлайды +7.kz ақпарат агенттігі хабарлайды.
Министрдің айтуынша, өткен жылы өзі үшін жалғыз табыс көзі министр ретінде алатын жалақысы ғана болған.
“Мен саяси мемлекеттік қызметкермін. Заңнама талаптарына сәйкес декларация тапсырдым. Егер қосымша табыс туралы айтып отырсаңыздар, онда өткен жылы менің жалғыз табыс көзім — министр ретіндегі жалақым. Тиісінше, менің қосымша табысым жоқ”, — деп мәлімдеді министр.
Журналистерге берген жауабында шенеунік өзінің жалақы мөлшерін де нақтылады. Ақкенженовтың айтуынша, ай сайынғы жалақысы шамамен 1,2 миллион теңгені құрайды. Сондай-ақ ол декларацияда заңнамада көзделген сыйақы төлемдері де көрсетілгенін атап өтті.
Ал бір жыл ішінде декларацияланған жалпы табыс көлемі туралы сұраққа министр оның 20 миллион теңгеден сәл асатынын айтты.
