Израиль Катар астанасы Дохадағы ХАМАС ұйымының күдікті штаб-пәтеріне соққы берді. Бұл туралы мемлекет басшысы Қасым-Жомарт Тоқаев мәлімдеме жасады, деп хабарлайды +7.kz.
Мемлекет басшысы Қасым-Жомарт Тоқаев Израиль билігінің Катардың астанасы Дохадағы әскери әрекетін айыптады.
“Бұл әрекеттердің астарында қандай мақсаттар тұрса да, олар қабылданбайды, өйткені олар Катар мемлекетінің егемендік құқықтарын айқын бұзады және халықаралық құқық қағидаттарына қайшы келеді”, – делінген Ақорданың мәлімдемесінде.
Шабуыл кезінде ХАМАС қозғалысы басшылығынан 4 адам болған. Бұл туралы Al Hadath телеарнасының хабарлауынша, ХАМАС-тың Газа секторындағы көшбасшысы мен келіссөздер тобының жетекшісі Халиль аль-Хейя, қозғалыстың шетелдегі кеңсесінің басшысы Халед Машааль және радикалдардың Иордан өзенінің Батыс жағалауындағы ұяшығының қолбасшысы Захер Джабарин Израиль шабуылы салдарынан мерт болды.
Al Hadath дереккөздері сонымен қатар ХАМАС-тың саяси бюросының мүшесі Низара Аудаллының да көз жұмғанын растады.
Соққы берілген сәтте ғимаратта қозғалыс басшылығының тағы бір мүшесі Гази Хамад та болды, деп хабарлады телеарна. Алайда оның тағдыры туралы қандай да бір мәлімет жоқ.
Фото: euronews.com
