Премьер-министр Олжас Бектенов негізгі азық-түлік тауарларына негізсіз бағаның көтерілуін қатаң түрде тоқтатуды және бағаны бақылауда ұстауды тапсырды, деп хабарлайды +7.kz ақпарат агенттігі.
Премьер-министр үкімет отырысында министрліктер мен әкімдіктерге бірқатар тапсырма берді.
“Негізгі азық-түлік бағасы орынсыз өсуіне жол бермеу қажет. Сауда министрлігі әкімдіктермен бірге баға саясатын реттеу үшін қолдағы барлық құралды іске қосып, бұл мәселені қатаң бақылауға алуы керек”, – деді Бектенов.
Сонымен қатар, Олжас Бектенов ауыл шаруашылығы министрлігіне облыс әкімдіктерімен бірге егін орағы сапалы өтуін бақылауды тапсырды.
Фото: depositphotos.com
