Қазақстанда 1-сыныпқа құжат қабылдау уақыты 1 сәуірден емес, 27 мамырдан басталып, 31 тамызға дейін жүргізілетін болды, деп хабарлайды +7.kz ақпарат агенттігі.
Оқу-ағарту министрлігі өткен жылдар тәжірибесін ескере отырып, 1-сыныпқа қабылдау науқанының басталу мерзімін өзгерту туралы шешім қабылдады. Енді құжат қабылдау 1 сәуірден емес, 27 мамырдан басталып, 31 тамызға дейін жүргізіледі. Бұл туралы министр Жұлдыз Сүлейменова өз әлеуметтік желісіндегі парақшасында хабарлады.
Министрдің айтуынша, өзгеріс құжат қабылдауды тиімді әрі сапалы ұйымдастыру және оқу процесіне кедергі келтірмеу мақсатында енгізілген.
“Биыл құжат қабылдау 27 мамыр, сәрсенбіден басталып, 31 тамызға дейін жүргізіледі. Қазіргі таңда база бірнеше мәрте тесттен өтіп жатыр, ата-аналар үшін барынша қолайлы жағдай жасалды, оны қосымша таныстырамыз”, – деді Ж. Сүлейменова.
Айта кетейік, Қазақстан мен Қытай арасындағы мәдени байланыстар аясында Бейжің бастауыш мектебінің оқушылары Қазақстан мәдениет орталығына сапармен барған.
Сонымен қатар, 2023–2025 жылдары елімізде балалардың сапалы және тегін білім алуға тең қол жеткізуін қамтамасыз етуге бағытталған “Келешек мектептері” ұлттық жобасы жүзеге асырылғаны мәлім. Жоба аясында білім беру сапасы арттырылып, оқушылар мен ата-аналар үшін жағдай жақсарды.
Фото: depositphotos.com
