Қазақстанда 31 тамыздан бастап несиені мерзімінен бұрын өтеу тәртібіне өзгерістер күшіне енеді, деп хабарлайды +7.kz.
Қарызды мерзімінен бұрын өтегендерге артық пайыздық төлемді азайтуға және міндеттемелерді жылдамырақ орындауға мүмкіндік береді. Бұл туралы қаржы нарығын реттеу және дамыту агенттігі хабарлады.
Қазақстанда бұған дейін банктер мерзімінен бұрын өтеу үшін айыппұл санкцияларын қолдануға құқылы болатын.
“Қаржылық қызметтерді тұтынушылардың құқықтарын қорғауды күшейту мақсатында 31 тамыздан бастап мерзімінен бұрын өтеу үшін айыппұл санкциялары тек заңды тұлғаларға қолданылады. Жеке тұлғалар кез келген уақытта айыппұлсыз кредиттерін мерзімінен бұрын өтей алады. Бұл норма бұрын жасалған шарттарды да қамтиды. Алайда аталған өзгерістер күшіне енгенге дейін төленген айыппұлдар мен өсімпұлдар қайта есептелмейді және қайтарылмайды”, – деп нақтылады қаржы нарығын реттеу және дамыту агенттігі.
Мерзімінен бұрын өтеу қарыз алушыға артық пайыздық төлемді азайтуға және қарыздық міндеттемелерді жылдамырақ орындауға мүмкіндік береді. Ішінара мерзімінен бұрын өтеу кезінде несиенің мерзімін сақтай отырып ай сайынғы төлем мөлшерін азайтуға, не ай сайынғы төлемді сақтап, несие мерзімін қысқартуға болады.
Агенттікте атап өткендей, банктер заңнама аясында мерзімінен бұрын өтеу тәртібін өздері белгілей алады. Олар ең төменгі сома, өтініш беру мерзімдері мен есеп айырысу күндері банк тарапынан анықталады.
