Қазақстанда маркетплейстердегі жеке кәсіпкерлердің қандай салық төлейтінін әр өңір өзі шешеді, деп хабарлайды +7.kz.
Жергілікті мәслихаттар маркетплейстерде тауар мен қызмет сататын жеке кәсіпкерлер үшін 4%-ға дейінгі табыс салығы мөлшерлемесін төмендетуге немесе көтеруге құқылы.
Бұл туралы қаржы вице-министрі Ержан Біржанов айтып берді.
Маркетплейстер айналымнан 4% салық төлеуді қарастыратын жеңілдетілген декларация бойынша жұмыс істейді. Сонымен қатар мәслихаттар өңір экономикасына байланысты мөлшерлемені өзгерте алады.
2026 жылдан бастап Қазақстандағы интернет-платформалар салық агенті болып, сатылымдар мен көрсетілетін қызметтер туралы мәліметтерді салық органдарына беретін болады.
Маркетплейстердегі жеке кәсіпкерлер үшін салық мөлшері өңірлерге қарай әртүрлі болады және тікелей жергілікті мәслихаттардың шешіміне байланысты.
Фото: depositphotos.com
