Қазақстанда наурыз айында демалыс күндерінің саны артады. Бұл туралы еңбек және халықты әлеуметтік қорғау вице-министрі Виктория Шегай мәлімдеді, деп хабарлайды +7.kz ақпарат агенттігі.
Референдумда қабылданған Негізгі заң күшіне енгеннен кейін 15 наурыз Қазақстанда мемлекеттік мереке әрі демалыс күні болып жарияланады.
“Халық референдумда қабылдаған жаңа Конституция 2026 жылғы 1 шілдеден бастап күшіне енеді. Конституция мәтінінің өзінде-ақ референдум өткен күн мемлекеттік мереке, яғни күнтізбедегі қызыл күн болып белгіленетіні көрсетілген”, — деп түсіндірді ол.
2026 жылдың наурыз айында қазақстандықтарды ұзақ демалыс күндері күтіп тұр. Мерекелік күндердің ауыстырылуына байланысты қосымша демалыс күндері беріледі, нәтижесінде бұл ай жұмыс күндерінің саны жағынан ең қысқа айлардың біріне айналады.
Айта кетейік, 2026 жылы қазақстандықтар үшін 119 демалыс күні және 246 жұмыс күні жоспарланған болатын. Енді бұл көрсеткіш бір күнге азаюы мүмкін.
Фото: depositphotos.com
