Денсаулық сақтау министрлігіне қарасты санитариялық-эпидемиологиялық бақылау комитеті әлеуметтік желілерде тараған “Kinder өнімдерінде қауіпті заттар бар” деген ақпаратқа қатысты түсіндірді, деп хабарлайды +7.kz ақпарат агенттігі.
Ведомствоның хабарлауынша, бұл мәліметтер ескірген және 2016 жылға қатысты. Аталған кезеңде мәселе Еуразиялық экономикалық одаққа (ЕАЭО) мүше елдердің құзырлы органдары тарапынан жан-жақты тексерілген. Нәтижесінде ешқандай заң бұзушылық анықталмаған.
Сондай-ақ комитет қазіргі уақытта Kinder өнімдеріне қатысты тұрғындардан шағымдар мен өтініштердің тіркелмегенін атап өтті.
“Азаматтарды тек ресми және тексерілген ақпарат көздеріне ғана сенуге шақырамыз”, — делінген ресми хабарламада.
Фото: depositphotos.com
