Көлсай көліне суға түскен Павел Дуровтың қандай жауапкершілікке тартылатыны белгілі болды, деп хабарлайды +7.kz ақпарат агенттігі.
Әкімшілік полиция комитеті төрағасының орынбасары Алексей Милюк Павел Дуровқа қандай шара қолданылуы мүмкін екенін айтты.
Оның айтуынша, ерекше қорғалатын табиғи аумақтағы су айдынына шомылғаны үшін жауапкершілікке тарту Экология министрлігінің құзыретіне кіреді.
“Біз рәсімдеген жоқпыз. Тек бұқаралық ақпарат құралдарында шыққан материалдарды жинап, мәселені қарастыру үшін Экология министрлігіне бердік”, – деді комитет төрағасының орынбасары.
Сонымен қатар ол Павел Дуровқа қанша мөлшерде айыппұл салынуы мүмкін екенін айтты.
“Қалай жіктелетіндігіне байланысты әртүрлі болуы мүмкін. Өкілетті органдармен сөйлесу қажет. Ең төменгі шара ескерту және қателеспесем, 10 АЕК мөлшерінде айыппұл салынады”, – деді ол.
Фото: t.me/durov
