Ресейлік БАҚ Нұрлан Сабуровтың Ресейге кіруге тыйым салынғанын мәлімдеді. Нұрлан Сабуров Внуково әуежайынан Алматыға ұшып кетпек, деп хабарлайды +7.kz ақпарат агенттігі Mash Telegram-арнасына сілтеме жасап.
Басылым мәліметінше, Мәскеудегі Внуково әуежайында паспорттық бақылау кезінде болған оқиғадан кейін Сабуров Дубайға тегін депортациядан бас тартқан. Себебі дереккөздердің айтуынша, ол Дубайға қшып кету шартын қабылдаса, қолына кісен салынуы қажет болсан. Нәтижесінде комик Қазақстанға билет сатып аламын деп шешім қабылдаған.
Mash арнасының хабарлауынша, Сабуров Мәскеуге БАӘ-ден бизнес-класс арқылы ұшып келген. Ресейге кіруге тыйым салынғаны туралы хабарланғаннан кейін ол бірнеше рет депортацияланатынын нақтылаған. Кейін Дубайға кері ұшуға қаражаты жоқ екенін айтқан. Алайда депортация шарттары түсіндірілген соң, ол қаражат тауып, Алматыға билет сатып алған.
Дереккөздердің мәліметінше, ең жақын рейс түстен кейінгі уақытқа жоспарланған.
Жарияланған сәтте ресми мекемелер мен Нұрлан Сабуровтың өкілдері бұл ақпаратқа қатысты пікір білдірмеген.
Бұған дейін ресейлік БАҚ Нұрлан Сабуровқа Ресейге 50 жыл мерзімге кіруге тыйым салынғанын хабарлаған болатын. Telegram-арналардың мәліметінше, бұл шешім ұлттық қауіпсіздік мүддесіне байланысты қабылданған, ал комик бұл туралы Мәскеуге келген сәтте білген. Оқиғаға қатысты ақпарат әзірге жарияланған жоқ.
