Фото: pixabay.com
Сыртқы істер министрлігінің ресми өкілі Айбек Смадияр қазақстандықтарды Таяу Шығыс елдеріне бармас бұрын жақсылап ойлануға шақырды, деп хабарлайды +7.kz.
Айбек Смадияр қазақстандықтарға ескерту жасады.
“Таяу Шығысқа демалуға баруды жоспарлап отырған барлық азаматтарға үндеу жасағым келеді. Өте тұрақсыз геосаяси жағдайды ескреу қажет. Бізден ұшатын рейстерде адам толы. Мәселен кеше Air Astana әуе компаниясы бірнеше рейсін тоқтатты. Елге кері қайтарда мәселе туындауы, рейстің кейінге шегерілуі мүмкін”, – деді Айбек Смадияров.
Сондай-ақ, ол Таяу Шығыстағы жағдайдың бай бағытта өрбитіні әлі белгісіз екенін айтты.
“Бұл елдерге бармай тұрып жақсылап ойланып, саналы шешім қабылдауға шақырамыз. Әр азамат өз қауіпсіздігі үшін өзі жауап береді. Соның өзінде шетелдегі қазақстандықтардың құқықтары мен мүддесін қорғау дипломаттарымыз үшін басым бағыт болып қала береді, – деді СІМ ресми өкілі.
Еске салсақ, осыған дейін Иран Израильге зымыран шабуылын жүзеге асырған еді.
