12 қаңтар күні жолаушылар автобусы Шахтинск қаласынан шыға берісте боран мен көктайғақтың салдарынан жол апатына ұшырады, деп хабарлайды +7.kz ақпарат агенттігі.
Қатты қарлы боран мен тайғақ жолда жүргізуші көлікті игере алмай, автобус жолдың жиегіне шығып кеткен,
Оқиға кезінде автобус салонында шамамен 50 жолаушы болған. Қарағанды облысы полиция департаментінің мәліметінше, жол-көлік оқиғасы салдарынан қаза тапқандар мен жарақат алғандар жоқ.
Полиция өкілдері өңір аумағында ауа райының әлі де қолайсыз екенін ескертеді. Боран, екпінді жел және көктайғақ республикалық және облыстық маңызы бар жолдарда, сондай-ақ елді мекендерге жақын аумақтарда қозғалысты қиындатып отыр.
Осыған байланысты жүргізушілерге жылдамдық режимін сақтау, қауіпсіз арақашықтықты ұстану, күрт маневрлерден бас тарту және алыс сапарларды мүмкіндігінше кейінге қалдыру ұсынылады. Ведомство атап өткендей, жолдағы қауіпсіздік әрбір қозғалысқа қатысушының жауапкершілігіне тікелей байланысты.
Фото: Видеодан скрин
