Қайсар Сұлтанбаев Жамбыл облысы полиция департаментін басшысы болып тағайындалды, деп хабарлайды +7.kz.
Бұл туралы Жамбыл облысы полиция департаментінің баспасөз қызметі мәлімдеді.
“ҚР Президенті әкімшілігінің келісімі бойынша Ішкі істер министрінің бұйрығымен Жамбыл облысы Полиция департаментінің бастығы болып Қайсар Әбілекұлы Сұлтанбаев тағайындалды”, — делінген хабарламада.
Жаңа ПД бастығын жеке құрамға Ішкі істер министрінің орынбасары Игорь Лепеха және Жамбыл облысының әкімі Ербол Қарашөкеев таныстырды.
Қайсар Әбілекұлы Сұлтанбаев ішкі істер органдарында 1990 жылдан бастап қызмет атқарады. Әр жылдары Батыс Қазақстан, Жамбыл, Қарағанды және Қостанай облыстарында басшылық қызметтер атқарған.
Сондай-ақ Қазақстан Республикасы Ішкі істер министрлігі комитетінің және департамент басшысы болған.
Фото: Жамбыл облысы ПД
