Жұлдыз Сүлейменова оқу-ағарту министрі болып тағайындалды, деп хабарлайды +7.kz ақпарат агенттігі.
“Мемлекет басшысының Жарлығымен Жұлдыз Досбергенқызы Сүлейменова Қазақстан Республикасының Оқу-ағарту министрі болып тағайындалды”, — делінген Ақорданың хабарламасында.
Жұлдыз Сүлейменова кім?
Жұлдыз Сүлейменова – Әл-Фараби атындағы Қазақ ұлттық университетінде тарих және мәдениеттану мамандықтары бойынша білім алып, PhD дәрежесін қорғаған.
Саяси және педагогикалық тәжірибесі мол. Еңбек жолын оқытушылықтан бастаған ол, кейін жастар саясатына белсене араласты. “Жас Отан” жастар қанатының жетекшілерінің бірі болды.
2012 жылдан бастап “Назарбаев Зияткерлік мектептері” жүйесінде түрлі жетекшілік қызмет атқарып, білім беру саясаты мен бағдарламаларын дамытуға үлес қосты. 2019-2021 жылдары Алматыдағы Физика-математика бағытындағы Назарбаев Зияткерлік мектебінің директоры болды.
2021-2023 жылдары VII шақырылым Мәжіліс депутаты ретінде әлеуметтік-мәдени даму комитетінде жұмыс істеді. 2022 жылы Президент жанындағы Ұлттық Құрылтай құрамына енді.
2023 жылдан бері – “Аманат” партиясы атынан сайланған VIII шақырылым Мәжіліс депутаты.
Фото: Мәжіліс
