2026 жылы мұсылмандардың ең қасиетті мерекелерінің бірі – Құрбан айт 27 мамырға сәйкес келеді, деп хабарлайды +7.kz ақпарат агенттігі.
Бұл туралы Қазақстан мұсылмандары діни басқармасы жариялаған ресми күнтізбеде көрсетілген.
Мәліметке сәйкес, Құрбан айт 27–29 мамыр аралығында атап өтіледі. Яғни, мерекенің алғашқы күні – 27 мамыр, ал келесі екі күнде де айт рәсімдері жалғасады.
Айта кету керек, діни мерекелердің нақты күні айдың көрінуіне байланысты бір күнге алға немесе артқа жылжуы мүмкін.
Қазақстанда Құрбан айттың бірінші күні ресми түрде демалыс күні болып есептеледі.
Құрбан айт мұсылмандарды бірлікке, мейірім мен қайырымдылыққа шақыратын ерекше мереке саналады.
