Павлодарда әскери қызметкер өзіне оқ атып, қаза тапты, деп хабарлайды +7.kz ақпарат агенттігі.
Павлодар қаласындағы 6679 әскери бөлімінде қайғылы оқиға болды. Алдын ала мәліметтерге сәйкес, келісімшартпен қызмет ететін әскери қызметкер өзіне бекітілген қарудан оқ атқан. Салдарынан өзі оқиға орнында қаза тапқан.
Астанада әскерде қаза тапқан сарбаздардың аналары митингке шықты
“Оқиға кезінде тағы бір келісімшарттағы әскери қызметші жарақат алды. Қазіргі уақытта сотқа дейінгі тергеу жүргізіліп жатыр, оқиғаның барлық мән-жайы анықталып жатыр. Зардап шеккен азаматқа қажетті медициналық көмек көрсетіліп келеді. Тергеу барысы Ішкі істер министрлігі Әскери тергеу департаментінің бақылауында”, — деп хабарлады ҚР Ішкі істер миниистрлігінің баспасөз қызметінен.
Зардап шеккен әскери қызметшіге медициналық көмек көрсетіліп жатыр.
“2001 жылы туған науқас Павлодар қалалық № 1 ауруханасының жансақтау бөлімінде жатыр. Жағдайы ауыр, тұрақты. Барлық қажетті емдік шаралар жүргізілуде”, — деп хабарлады өңірлік денсаулық сақтау басқармасынан.
Фото: depositphotos.com
