Үкіметтегі брифингте энергетика вице-министрі Қайырхан Тұтқышбаев бензин бағасының өсуіне қатысты пікір білдірді, деп хабарлайды +7.kz ақпарат агенттігі.
Ол бензин бағасы алдағы өсетінін алайда, бензиннің күрт қымбаттамайтынын алға тартты.
“Мемлекет те, Энергетика министрлігі де бензин бағасының бірден күрт өсуіне жол бермейтіндігін ресми мәлімдегім келеді. Мораторий алынып тасталғаннан бері екінші апта өтіп жатыр. Біздің ақпаратымызға сәйкес, баға негізінен 1 теңгеге көтерілді. Министрлік азаматтарымызды жанар-жағармаймен толық қамтамасыз ету үшін ұлттық компаниялармен ауқымды жұмыс істеп жатыр. Баға күрт өспейді, біртіндеп көтеріледі”, — деді вице-министр.
Оған қоса, вице-министр Қазақстанда өндірілетін бензиннің сапасына қатысты ешқандай шағым жоқ екенін де айтты.
Айта кетейік, 2026 жылғы 1 сәуірден бастап Қазақстанда АИ-92 маркалы бензин мен дизель отыны бағасын көтеруге енгізілген мораторий аяқталды. Бұл мораторий 2025 жылғы 16 қазаннан бастап қолданыста болған.
