Нұрай Серікбайдың өліміне күдіктінің сот-психиатриялық сараптама қорытындысы шықты, деп хабарлайды +7.kz ақпарат агенттігі.
Ішкі істер министрінің орынбасары Санжар Әділов Нұрай Серікбайдың өліміне қатысты тергеу барысына түсініктеме берді.
Ведомство өкілінің айтуынша, тергеу әрекеттері аяқталуға жақын.
“Тергеушінің тағайындауымен сот-психиатриялық сараптама жүргізілді, қазіргі таңда оның қорытындылары алынды. Ол заң алдында есі дұрыс тұлға ретінде жауап береді”, — деді Әділов.
ІІМ-де атап өткендей, барлық қажетті рәсімдер аяқталғаннан кейін іс бойынша түпкілікті процессуалдық шешім қабылданады.
